(الكفو يبقـى ـآ والزلآيب زلآيب)

بسـم الله الرحمن الرحيمـ

عمـر المحبـه ماتجافـي الحبايـب

بس الحبايـب للمحبـه يجافـون

وعمر الهجر ماكان وصل القرايب

واهل القطيعه بالمعيبـات يطـرون

أبشتكي همٍ عـن النـاس غايـب

وأقول فزّوا ياهل العـون بالعـون

إن كان حبي له يجـي بالمصايـب

بلااش من حبه على مايقولـون

((صدّيت خوفي لا تزيد النشايـب

وأخذت في جنبي وأنا كلي طعون))

مااضّرني بـرد الشتـاء ياهبايـب

الصيف في قلبي من العام مسجون

ماشفت قلبي بين الاضلاع ذاايـب

لأني احـس وغيرنـا مايحسـون

ودموع عيني كنها دمـوع تاايـب

تذرف دموعه كل ما جو يصلوون

ماني بشايب لكن الـراس شايـب

شايب من الي شفت ولي يسـوون

أعطيتهم عمري وروحي وهايـب

وأشوفهم مع مر الايـام يقسـون

ناديتهـم يانـاس مانـي بطايـب

ردوا علي يانااس تكفون تكفـون

حثوا على الدرب الطويل الركايب

ولا التفت واحد من الـي يقفـون

لكن عرفنا في الاخيـر السبايـب

عطيتهم من فـووق مايستحقـون

الكفو يبقـى والزلايـب زلايـب

يالله عساهم من حيااتـي يولـون

ودي

بارك الله فيكي على الطرح المميز

ابو ماجد
اسعدني مرورك كتيراً
ودي

وفقك الله على الطرح والأبداع

ننتظر المزيد

تحياتي

قلب الأسد

سلمت يمينك ع القصيده الابداع والانتقاء الذوووق
لا حرمنا الله جديدك المبدع دووما